Samsung Firmware SM-T575(CHO) T575XXS5EWE3/T575OWO5EWE1/T575XXS5EWE3 | TL

• Katatagan at pagiging maaasahan
Napabuti na ang paggana ng device.

Update ng One UI 5.1
Nile-level up ng One UI 5.1 ang iyong tablet gamit ang mga bagong feature ng Gallery pati na rin ang mga pagpapahusay sa pagiging produktibo at pag-personalize.


Gallery

Mas mahusay na paghahanap
Maaari ka na ngayong maghanap sa iyong Gallery ng higit sa isang tao o paksa nang sabay. Maaari ka ring maghanap ng mga tao nang hindi tina-tag ang kanilang mga pangalan sa pamamagitan lamang ng pag-tap sa kanilang mga mukha.

Binagong display ng impormasyon
Kapag nag-swipe ka pataas habang tumitingin ng larawan o video sa iyong Gallery, makikita mo kung kailan at saan kinuha ang larawan, aling device ang kumuha ng larawan, kung saan naka-store ang larawan, at marami pa. May mas simple nang layout ngayon.


Multitasking

Madaling i-minimize o lumipat sa full screen
Maaari mo na ngayong i-minimize o i-maximize ang isang window ng app nang hindi pumupunta sa menu ng mga opsiyon. I-drag lang ang isa sa mga sulok.

I-access ang iyong mga pinakaginagamit na app sa split screen
Kapag nagsimula ka ng split-screen na view, ipapakita ang mga app na pinakamadalas mong ginagamit sa ibaba ng iyong mga kamakailang ginamit na app upang matulungan kang mahanap ang mga app na kailangan mo nang mas mabilis.

Pinahusay na multitasking sa DeX
Sa split-screen na view, maaari mo na ngayong i-drag ang divider sa gitna ng screen upang i-resize ang dalawang window. Maaari ka ring mag-snap ng window sa isa sa mga sulok upang masakop nito ang isang quarter ng screen.


Mga Mode at Routine

Magpalit ng wallpaper batay sa iyong mode
Magtakda ng ibang wallpaper batay sa iyong kasalukuyang aktibidad. Pumili ng isang wallpaper para sa trabaho, isa para sa pag-eehersisyo, at marami pa.

Higit pang aksyon para sa mga routine
Binibigyang-daan ka ng mga bagong pagkilos na kontrolin ang Quick Share at sensitivity ng Touch o baguhin ang font style mo.


Lagay ng panahon

Mabilis na access sa kapaki-pakinabang na impormasyon
Tingnan ang mga alerto sa malalang lagay ng panahon, mga pang-araw-araw na buod ng lagay ng panahon, at mga oras ng pagsikat/paglubog ng araw sa itaas ng app na Lagay ng panahon. Gumagamit na ngayon ang graph ng temperatura ng mga kulay upang maipakita kung paano nagbabago ang temperatura sa paglipas ng araw.

Graph ng pag-ulan kada oras
Ipinapakita na ngayon ng isang graph kung gaano kadami ang pag-ulan sa iba't ibang oras sa isang araw.

Buod tungkol sa widget na Lagay ng panahon
May makikita na ngayong maikling buod ng mga kasalukuyang kundisyon ng lagay ng panahon sa widget ng lagay ng panahon upang ipaalam sa iyo kung maaraw, maulap, umuulan, o nagniniyebe.


Samsung Internet

Magpatuloy sa pag-browse sa ibang device

Kung nagba-browse ka sa web sa isang Galaxy phone o tablet at binuksan kalaunan ang Internet app sa ibang Galaxy device na naka-sign in sa parehong Samsung account, may lalabas na button na magbibigay-daan sa iyong buksan ang huling webpage na iyong tinitingnan sa kabilang device.

Pinahusay na paghahanap
Kasama na ngayon sa iyong mga paghahanap ang mga pangalan ng mga folder ng bookmark at mga grupo ng tab. Binibigyang-daan ka ng pinahusay na lohika ng paghahanap na mahanap ang iyong hinahanap kahit na may hindi naibaybay nang tama.


Mga karagdagang pagbabago

Tingnan ang antas ng baterya ng iyong mga device
Binibigyang-daan ka ng bagong widget na Baterya na tingnan ang antas ng baterya ng iyong mga device, mula mismo sa Home screen. Makikita mo kung gaano na lang kahaba ang itatagal ng baterya ng iyong tablet, Galaxy Buds, at iba pang sinusuportahang device.

Mga mungkahi sa mga setting
Habang naka-sign in sa iyong Samsung account, lalabas ang mga mungkahi sa itaas ng screen ng Settings para tulungan kang ibahagi, ikonekta, at pagandahin ang iyong karanasan sa iyong mga Galaxy device.

Piliin kung saan ise-save ang mga screenshot at recording ng screen
Maaari mo na ngayong baguhin ang folder kung saan sine-save ang mga screenshot at mga recording ng screen.

• Seguridad
Ang device ay protektado ng pinahusay na seguridad.

Upgrade sa One UI 5 (Android 13)

Ang One UI 5 ay naghahatid sa iyo ng higit pang personalization at pinapadali nito ang paggawa ng mga bagay-bagay sa lahat ng iyong Galaxy device.


Visual na disenyo

Mga bagong icon ng app at illustration
Mas malaki ang mga simbolo ng icon para sa mas bold na hitsurang mas madaling ma-scan. Ang mga subtle na gradient sa background at pinagandang contrast ay nagbibigay ng mas fresh at mas natural na dating. Gumawa ng mga bagong illustration ng tulong na nagbibigay ng consistent na hitsura sa lahat ng app.

Mas smooth kaysa sa dati
Mas natural ang dating ng paglipat-lipat ng screen dahil sa mga bagong animation at transition effect. Agad na lumalabgas ang mga animation at iba pang visual feedback kapag pinindot mo ang screen, kaya nagiging mas intuitive ang mga interaction. Pinahusay ang pag-scroll para maging mas smooth ang pag-scroll sa buong One UI.

Pinagandang mga blur effect at kulay
Pinahusay ang mga background blur effect sa quick panel, Home screen, at sa buong One UI sa pamamagitan ng mas matitingkad na kulay para sa mas malinaw at mas maaasahang karanasan. Ang mga pinasimpleng color scheme ng app ay nakakatulong sa iyong makaiwas sa mga distraksyon at mapagtuunan ang kasalukuyan mong gawain.


Pag-customize

I-customize ang iyong Lock screen
Pindutin lang nang matagal ang Lock screen para i-edit ito. Ano pa ba’ng mas sisimple pa rito? I-customize ang iyong wallpaper, estilo ng orasan, mga setting ng notification, at higit pa, na may live preview, lahat sa iisang lugar.

Mas maraming mapagpipiliang wallpaper
Binago ang disenyo ng mga setting ng wallpaper para mapadali ang paghahanap ng perpektong wallpaper para sa iyong Home at Lock screen. Mas maraming imahe, video, kulay, at filter na mapagpipilian.

Mas maraming opsyon para sa iyong Palette ng kulay
Mas madaling hanapin ang mga kulay na tama para sa iyo. Pumili ng hanggang 16 na color theme batay sa iyong wallpaper at mga preset color theme na dinisenyo para magmukhang maganda.

Madaling makita kung sino ang tumatawag
Magtakda ng ibang background ng tawag para sa bawat contact para madali mong makita kung sino ang tumatawag sa isang sulyap lang.


Mga mode at routine

Pumili ng mga mode batay sa iyong aktibidad
Pumili ng mode batay sa kung ano’ng ginagawa mo, gaya ng pag-eehersisyo, pagtatrabaho, o pagre-relax, piliin kung ano’ng gusto mong gawin ng telepono mo sa bawat sitwasyon. Halimbawa, i-on ang Huwag istorbohin kapag nagre-relax ka o nagpe-play ka ng musika habang nagmamaneho ka.

Ang Bedtime mode ay Sleep mode na ngayon
Hinahayaan ka ng Sleep mode na mag-automate ng mas maraming aksyon kapag oras nang matulog, tulad ng pag-on sa Dark mode at pagbabago sa sound mode.

Mas madaling tumuklas ng mga preset routine
Pinapadali ng pinasimpleng layout na maghanap ng mga routine na kapaki-pakinabang para sa iyo.

Mag-check ng mga running routine nang mabilis
Ang mga routine na kasalukyang nagra-run ay ipinapakita na ngayon sa itaas ng screen ng Mga Routine para maunawaan mo kung ano’ng nangyayari at gumawa ng mga pagbabago kung kinakailangan.

Mas maraming aksyon at kundisyon para sa iyong mga routine
Awtomatikong magsimula ng mga routine kapag ginagamit mo ang Airplane mode o Mobile Hotspot. Ang mga routine ay puwede na ngayong magbukas ng mga app pair at magbago sa left/right sound balance.


Mga widget sa home screen

Mag-stack ng mga widget sa iyong Home screen
Magsama ng ilang widget na may pare-parehong laki sa iisang widget para makatipid ng espasyo sa iyong Home screen. Mag-drag lang ng widget sa ibang widget para makagawa ng stack, pagkatapos ay mag-swipe para magpalipat-lipat ng widget. Puwede kang magdagdag ng mga widget sa iyong stack anumang oras sa pamamagitan ng pag-drag at pag-drop.


Mga nakakonektang device

Gumawa ng mas marami sa iyong mga nakakonektang device
Ang menu ng Mga nakakonektang device ay idinagdag sa Settings, kaya nagiging mas mabilis at madaling mag-access ng mga feature na gumagana sa iba pang mga device, tulad ng Quick Share, Smart View, at Samsung DeX.

Magtago ng mga notification sa iyong TV
Kapag tumitingin ng content mula sa iyong tablet sa iyong TV gamit ang Smart View, puwede mong piliing magtago ng mga notification sa iyong TV para mahadlangan ang iba na makita ang iyong personal na impormasyon.

Mag-play ng tunog mula sa iyong tablet sa anumang Chromecast device
Lalabas ang mga available na Chromecast device kapag na-tap mo ang Media output sa quick panel ng iyong tablet. I-tap lang ang device kapag gusto mong mag-play ng musika o iba pang audio content.


Camera at Gallery

Makakuha ng tulong sa Pro mode
Lalabas ang isang icon ng tulong sa Pro at Pro video mode. I-tap ang icon para makakuha ng mga tip at gabay para sa paggamit ng iba’t ibang lens, opsyon, at kontrol.

Magdagdag ng mga watermark sa iyong mga litrato
Awtomatikong magdagdag ng watermark sa bawat larawan na naglalaman ng petsa at oras noong kinunan ang larawan, pangalan ng modelo ng iyong tablet, o iba pang custom na impormasyon.

Pumili ng mga filter nang mas madali
Ang filter selection menu ay na-streamline sa Camera, Editor ng Larawan, at Video Editor. Ang lahat ng filter ay available sa isang listahan, kaya mas madaling mahanap ang perpektong filter para sa iyong litrato o video.

Mag-customize ng mga album sa Gallery
Puwede ka ring mag-merge ng mga album na magkapareho ang pangalan at gumawa ng mga album na awtomatikong nag-a-update para magsama ng mga larawan ng mga tao na pipiliin mo. Lalabas na ngayon ang Mga nakabahaging album mo kasama ng iba mo pang album.

All-new look para sa Stories
Ang Stories na awtomatikong ginagawa sa iyong Gallery ay binago at nilagyan ng interactive na slideshow view. Mag-tap o mag-swipe lang sa pagitan ng mga litrato at video sa iyong kuwento.


Photo at Video Editor

Gumawa ng mga sticker gamit ang anumang litrato
Gumawa ng mag reusable sticker gamit ang anumang litrato sa iyong gallery. Piliin lang ang bahagi ng litrato na gusto mong gamitin bilang sticker, pagkatapos ay i-adjust ang kapal at kulay ng mga outline.

Mas maraming paraan para mag-edit ng mga GIF
Puwede mong i-trim at i-adjust ang ratio ng mga animated GIF para iwasto ang laki nito. Puwede mo ring gamitin ang parehong editing feature na available para sa mga still image para i-decorate ang iyong GIF sa paraang gusto mo.

Panatilihin ang mga portrait mode effect kahit tapos nang mag-edit
Pinananatili na ngayon ang mga portrait mode effect kahit tapos nang mag-crop o magpalit ng mga filter para ma-adjust mo ang background blur anumang oras.

Gumuhit ng mga perpektong hugis sa mga litrato at video
Gamitin ang pen tool para gumuhit ng hugis gaya ng bilog, tatsulok, parihaba, o puso. I-hold ang daliri mo sa screen kapag tapos ka nang mag-drawing para i-transform ito kaagad sa mga tuwid na linya at perpektong anggulo.

Mga bagong sticker para sa mga larawan at video
60 bagong preloaded emoji sticker ang available para sa pag-decorate sa iyong mga litrato at video.


Samsung DeX

Enhanced taskbar sa Samsung DeX
Nagdagdag ng search button para padaliin ang paghahanap ng mga app na gusto mong gamitin, at puwede kang mag-right-click ng ilang app para mabilis na ma-access ang mga gawain sa loob ng app. Puwede mo ring i-customize kung aling mga button ang gusto mong lumabas sa taskbar mo.

Bagong notification indicator sa DeX
Lalabas ang isang pulang tuldok sa notification button sa iyong taskbar kung nakatanggap ng mga bagong notification mula noong huli mong binuksan ang notification panel.

Mini calendar sa DeX
Ang pag-click sa petsa sa iyong taskbar ay nagbubukas na ngayon ng mini calendar, na nagbibigay-daan sa iyong mabilis na ma-check ang iyong iskedyul nang hindi binubuksan ang buong Calendar app.


Mga Notification

Kunin lang ang mga notification na pinapayagan mo
Kapag gumagamit ka ng app sa unang pagkakataon, tatanungin ka kung nais mong makatanggap ng mga notification mula rito. Huwag mag-atubiling umayaw sa mga app na ayaw mong makaistorbo sa iyo.

Mas madaling access sa mga kontrol ng app notification
Nagpapadala ba ang isang app ng masyadong maraming notification? Mas madali na ngayon itong i-block gamit ang mga na-reorganize na setting ng notification kung saan inilalagay sa itaas ang mga kontrol ng app notification. Puwede ka ring direktang pumunta sa mga setting ng app notification gamit ang button sa ibaba ng notification panel.

Piliin kung aling mga uri ng notification ang puwedeng ipadala ng mga app
Maaari ka na ngayong magkaroon ng hiwalay na kontrol sa kung puwedeng magpakita ang mga app ng mga pop-up notification, badge ng app icon, at mga notification sa Lock screen. Payagan ang lahat ng uri, ilan, o wala. Ikaw ang bahala.

Bagong layout para sa mga notification
Ang mga app icon ay mas malaki, kaya mas madaling makita kung aling app ang nagpadala sa notification. Pinaganda rin ang text alignment para gawing mas madaling mabasa ang mga notification.


Mga Setting

Mag-set ng wika para sa bawat app
Gusto mo bang gumamit ng ibang apps sa isang wika at ibang apps sa iba? Puwede mo na ngayong piliin kung aling wika ang gagamitin para sa bawat app sa Settings.

Mag-set ng mga exception para sa Huwag istorbohin
Puwede ka na ngayong mag-set ng mga indibidwal na contact bilang mga exception sa Huwag istorbohin. Magri-ring o magva-vibrate ang telepono mo kapag tinatawagan o pinapadalhan ka ng mga mensahe ng mga taong pinipili mo, kahit na naka-on ang Huwag istorbohin. Mas madaling mag-set ng mga app bilang mga exception para makakuha ka ng mga notification alert sa mga ito kahit na naka-on ang Huwag istorbohin. Piliin lang ang mga app na gusto mong payagan mula sa bagong grid.

Pinahusay na mga setting ng sound at vibration
Na-reorganize ang mga menu para padaliin ang paghahanap ng mga opsyon ng sound at vibration na kailangan mo. I-set ang ringtone mo at baguhin ang volume at mga setting ng vibration, sa iisang lugar.

Higit pang mga opsyon para sa RAM Plus
Puwede na ngayong i-off nang ganap ang RAM Plus sa Device care kung hindi mo ito kailangan o ayaw mo itong gumamit ng anumang storage space.

Auto optimization
Pinananatili ng Pangangalaga sa device na gumagana nang smooth ang tablet mo sa pamamagitan ng awtomatikong pagsasagawa ng mga optimization sa background. Para panatiling nasa pinakamagandang kundisyon ang tablet mo, puwede mong i-set ang tablet mo para awtomatikong mag-restart kung kinakailangan.


Seguridad at privacy

I-check ang security status ng tablet mo sa isang sulyap
Ang bagong Security dashboard sa Settings ay nagpapakita kung may anumang isyung panseguridad ang telepono mo at tinutulungan ka nitong maayos ang mga iyon nang mabilis.

Impormasyon sa seguridad at privacy para sa mga website
Lalabas ang isang sa address bar sa Samsung Internet para maipakita ang security status ng isang site. I-tap ang icon para malaman kung anong impormasyon ang kinokolekta at tina-track ng website.
Maintenance mode
Protektahan ang iyong privacy kapag may ibang gumagamit ng iyong tablet, gaya ng kapag ito’y iyong pinapaayos.


Accessibility

Higit pang mga opsyon sa accessibility sa quick panel
Puwedeng idagdag ang high contrast font at Color inversion sa quick panel para sa mas madaling access.

Higit pang spoken assistance
Pumili sa iba’t ibang voice feedback para makakuha ng tulong sa paggamit ng tablet mo kahit na hindi mo makita nang malinaw ang screen. Magagawa mong ipabasa sa tablet mo ang input sa keyboard para matiyak mong na-type mo ang tamang letra, at i-on ang mga audio description na nagpapaliwanag kung ano ang nangyayari sa isang video (para lang sa mga sinusuportahang video).

I-edit nang madali ang Accessibility button mo
I-tap nang matagal ang Accessibility button para mabilis na mabago ang mga feature na ina-access mo gamit ang button.

May mga bagong aksyong available para sa Corner actions
Kung gumagamit ka ng mouse o trackpad, may mga bagong aksyong available kapag inilagay mo ang mouse pointer sa isa sa 4 na sulok ng screen. Puwede ka na ngayong mag-click at mag-hold, mag-drag, o mag-drag at mag-drop.


Mga karagdagang pagbabago

Gumamit ng ilang timer nang sabay-sabay
Puwede ka na ngayong magsimula ng bagong timer sa Clock app kahit na may ibang nagra-run na timer.

May mga bagong emoji na available para sa emoji pairs
Sa Samsung Keyboard, mahigit 80 pang dagdag na emoji ang available para sa paggawa ng emoji pair. Puwede ka na ngayong magsama ng mga emoji batay sa mga hayop, pagkain, at iba pang bagay bilang karagdagan sa mga facial expression. Piliin ang perpektong kumbinasyon para maiparating ang iyong feelings.

Higit pang kontrol sa mga event invitee sa kalendaryo
Kapag nagdagdag ka ng event sa iyong Google calendar sa Samsung Calendar app, puwede mong piliin kung pinapayagan ang mga invitee na makita kung may ibang imbitado sa event at piliin din kung puwede silang mag-imbita ng ibang mga tao.

Magdagdag ng mga video conference sa iyong mga event
Kapag gumagawa ka ng Google calendar event sa Samsung Calendar app, puwede ka ring mag-set up ng video conference. Ang lahat ng imbitado sa iyong event ay makakatanggap sa link sa video conference.

Magdagdag ng mga sticker sa iyong Google calendar
Magdagdag ng mga sticker sa Google calendar events sa Samsung Calendar app para gawing mas madaling makita ang mga iyon sa isang sulyap. Ipinapakita ang mga sticker sa calendar at agenda view.

Makita ang lahat ng paalalang due ngayong araw
Ang bagong kategoryang Ngayong Araw ay nagpapakita lang ng mga paalalang due ngayong araw. Puwede mo ring ma-check ang mga paalalang due ngayong araw sa itaas ng main screen sa Reminder app.

Ipakita at itago ang mga nakumpletong paalala
Puwede kang magpakita o magtago ng mga nakumpletong paalala sa anumang kategorya. Ipakita para makita kung ano na’ng natapos mo, o itago para manatiling nakatuon sa mga bagay na kailangan mong matapos.

I-drag at i-drop ang mga bookmark sa pagitan ng mga folder
Panatilihing nakaayos ang iyong mga bookmark sa Samsung Internet sa pamamagitan ng pag-drag at pag-drop sa mga ito sa pagitan ng mga folder.

Mas mahusay na paghahanap sa Aking mga File
Piliin kung sa lahat ng file o sa mga file na nasa kasalukuyang folder lang maghahanap. Maaari ka ring pumili sa pagitan ng paghahanap lang ng mga pangalan ng file o paghahanap ng impormasyon sa loob ng mga file, tulad ng text sa mga dokumento o impormasyon ng lokasyon sa mga larawan. Kapag tapos na ang iyong paghahanap, maaari mong isalansan ang mga resulta ayon sa pangalan, petsa, laki, o uri ng file.

Na-redesign na Digital Wellbeing
Ang bagong dashboard ay nagpapakita ng mas malinaw na mga detalye ng paggamit at pinapadali nito ang pag-access sa mga feature na kailangan mo, gaya ng mga app timer at screen time report.

Kumuha ng tulong sa isang emergency
Mabilis na pindutin ang Side key nang 5 beses para tumawag sa emergency services kahit na hindi ka makapagsalita.

Ipakita ang mga pangalan ng app sa edge panel ng Mga App
I-on ang Ipakita ang mga pangalan ng app para ipakita ang mga pangalan ng app sa ibaba ng mga icon ng app.


Kakailanganin ng ilang app na mai-update nang hiwalay matapos mag-upgrade sa One UI 5.

• Pinahusay ang seguridad ng iyong device.

One UI 4.1.1 na Update


Multitasking

Mabilis na magpalipat-lipat sa mga app
Lumalabas na ngayon ang taskbar sa ibaba ng screen para sa mas mabilis na pagna-navigate sa pagitan ng mga app.

Mabilis na buksan ang mga app sa split screen o pop-up na window
I-drag ang mga app mula sa taskbar o screen ng Mga Kamakailang bagay upang mabuksan ang mga ito sa paraang pinakamadali para sa iyo. I-drag sa itaas, ibaba, kaliwa, o kanang gilid ng screen upang mabuksan sa split screen. I-drag sa gitna ng screen upang mabuksan sa isang pop-up.

Mabilis na magbukas ng mga app pair
Ipares ang mga app na madalas mong magkasamang ginagamit, pagkatapos ay idagdag ang mga ito sa Home screen o sa taskbar para mabuksan mo ang mga ito sa split screen sa isang pag-tap lang.

Madaling lumipat mula sa pop-up view patungo sa split screen
Kapag gumagamit ka ng app sa pop-up view, i-tap lang ang split screen button sa loob ng window handle. Magagawa mong pumili ng pangalawang app na bubuksan sa tabi nito.

Baguhin ang iyong view gamit ang isang gesture
Lumipat mula sa full screen patungo sa split screen na view sa pamamagitan ng pag-swipe paloob gamit ang dalawang daliri mula sa kaliwang bahagi, kanang bahagi, o ibaba ng screen. Lumipat mula sa full screen patungo sa pop-up view sa pamamagitan ng pag-swipe paloob gamit ang isang daliri mula sa alinmang sulok sa itaas ng screen. Maaaring i-on o i-off ang mga gesture sa Settings.

Ipakita ang mga pangalan ng app sa edge panel ng Mga App
I-on ang Ipakita ang mga pangalan ng app upang ipakita ang mga pangalan ng app sa ibaba ng mga icon ng app.


Mga bagong opsyon sa pagtawag

Madaling makita kung sino ang tumatawag
Magtakda ng ibang background ng tawag para sa bawat contact para madali mong makita kung sino ang tumatawag sa isang sulyap lang.

Mga video call gamit ang Google Meet
Ang Google Duo ay isinama na sa Google Meet. Maaari ka na ngayong sumali sa mga 1:1 na video call pati na rin sa mga panggrupong video conference lahat sa iisang lugar gamit ang Google Meet.


Ipahayag ang iyong sarili gamit ang Samsung Keyboard

Baguhin ang puwesto ng mga button ng ekspresyon
Pindutin nang matagal ang emoji, sticker, at iba pang mga button upang baguhin ang puwesto ng mga ito.

Maglagay ng kaomoji nang direkta mula sa keyboard
Pasayahin ang iyong mga chat at text gamit ang mga preset na Japanese-style na mga ekspresyon ng mukha na ginawa gamit ang mga simbolo ng keyboard. (*^.^*)


Higit pang mga pagpapahusay

Mas mahusay na paghahanap sa Aking mga File
Piliin kung sa lahat ng file o sa mga file na nasa kasalukuyang folder lang maghahanap. Maaari ka ring pumili sa pagitan ng paghahanap lang ng mga pangalan ng file o paghahanap ng impormasyon sa loob ng mga file, tulad ng text sa mga dokumento o impormasyon ng lokasyon sa mga larawan. Kapag tapos na ang iyong paghahanap, maaari mong isalansan ang mga resulta ayon sa pangalan, petsa, laki, o uri ng file.

I-edit ang iyong koleksyon ng wallpaper ng Lock screen
Pagkatapos pumili ng grupo ng mga larawang gagamitin para sa iyong Lock screen na wallpaper, madali kang makakapagdagdag o makakapag-alis ng mga larawan sa ibang pagkakataon.

· Mga pagpapahusay sa stability ng device, mga bug fix.

· Mga bago at / o pinahusay na mga feature.

· mga dagdag na pagpapahusay sa paggana.

• Napahusay na ang pangkalahatang kapanatagan ng device mo.

· Mga pagpapahusay sa stability ng device, mga bug fix.

· Mga bago at / o pinahusay na mga feature.

· mga dagdag na pagpapahusay sa paggana.

• Napahusay na ang pangkalahatang kapanatagan ng device mo.

Upgrade sa One UI 4.1 (Android 12)

Ihinahatid sa inyo ng One UI 4.1 ang malawak na hanay ng mga bagong feature at pagpapahusay para sa inyong mga Galaxy device. Mas madaling makaunawa, mas masaya, mas ligtas, at mas madali kaysa dati.

Tingnan ang mga pagbabago sa ibaba.


Palette ng kulay

Ipasadya ang iyong tablet sa natatanging mga kulay batay sa iyong wallpaper. Ang iyong mga kulay ay ilalapat sa mga menu, mga button, mga background, at mga app sa buong tablet mo.


Privacy

Nag-aalok ang One UI 4.1 ng malakas na proteksyon sa privacy upang matiyak na hindi mapupunta ang iyong personal na impormasyon sa mga maling kamay.

Impormasyon ng pahintulot sa isang sulyap
Tingnan kung ina-access ng bawat app ang mga sensitibong pahintulot tulad ng Lokasyon, Camera, o Mikropono sa paggamit ng Pahintulot. Maaari mong tanggihan ang mga pahintulot para sa anumang mga app na hindi ka komportable.

Mga tagapagpakita ng camera at mikropono
Inilalayo ang mapagmatyag na mga mata at mga tainga. Lilitaw ang berdeng tuldok sa kanang itaas na sulok ng screen kapag ginagamit ng anumang app ang camera o mikropono.  Maaari mo ring gamitin ang quick panel na mga kontrol upang pansamantalang harangan ang lahat ng app mula sa paggamit ng camera o mikropono.

Tinatayang lokasyon
Panatilihing pribado ang iyong eksaktong lokasyon. Maaari kang magtakda ng mga app na hindi kailangang malaman ang eksaktong kinaroroonan mo upang ma-access lamang ang iyong pangkalahatang lugar.

Proteksyon ng Clipboard
Panatilihing ligtas ang iyong mga password, numero ng credit card, at iba pang sensitibong impormasyon. Maaari mong piliing makatanggap ng isang alerto tuwing ina-access ng isang app ang nilalaman na kinopya sa clipboard sa isa pang app.


Samsung Keyboard

Higit sa pagta-type lamang, ang Samsung Keyboard ay tungkol sa pagpapahayag ng iyong sarili at pagsasaya.

Quick access sa mga GIF, emoji, at sticker
Ang pagpapahayag ng sarili ay isang tap lang ang layo. Direktang pumunta sa iyong mga emoji, GIF, at sticker mula sa keyboard gamit ang isang button.

Animated na mga pares ng emoji
Hindi mahanap ang tamang emoji? Pagsamahin ang dalawang emoji, pagkatapos ay magdagdag ng animation para maiparating talaga ang iyong mga damdamin.

Mas marami pang mga sticker
Pagandahin ang iyong mga kumbersasyon gamit ang iba't ibang mga bagong animated na sticker na handang i-download.

Katulong sa pagsusulat
Panatilihing tama ang iyong gramatika at pagbaybay gamit ang bagong Katulong sa pagsusulat, na pinapagana ng Grammarly (Ingles lamang).


Home screen

Nagsisimula ang lahat sa Home screen, kung saan ang mga paborito mong app at feature ay isang tap lamang. Tinutulungan ka ng One UI 4.1 na panatilihing pinakamahusay ang hitsura ng iyong home screen sa lahat ng oras.

Bagong disenyo ng widget
Ang mga Widget ay idinisenyo muli para magmukhang mas mahusay kaysa dati, na may impormasyon na madaling makita sa isang sulyap at mas pare-parehong estilo.

Mas madaling pagpili ng widget
Nagkakaproblema sa paghahanap ng tamang widget? Maaari ka na ngayong mabilisang mag-scroll sa listahan ng widget para makita ang makukuha sa bawat app. Makakakuha ka rin ng mga rekomendasyon para sa mga kapaki-pakinabang na widget na susubukan.


Lock screen

Gumamit ng mga widget upang gawin ang mabilisang mga gawain nang hindi ina-unlock ang iyong tablet, pagkontrol man ito ng iyong musika, pagsuri sa iyong iskedyul, o paghagip sa iyong pinakamahusay na mga ideya.

Makinig kung saan mo gusto
Lumipat ng audio output mula sa mga bud patungo sa mga speaker sa iyong tablet, lahat mula sa Lock screen.

Pagrekord ng boses
May magandang ideya? Magrekord ng isang voice memo nang hindi ina-unlock ang iyong tablet.

Calendar at iskedyul nang sabay
Suriin ang iskedyul ngayon sa pamamagitan ng iyong calendar para sa natitirang bahagi ng buwan sa Lock screen.


Camera

Mag-enjoy sa mas simpleng layout habang kumukuha ng mga larawan at mga video. Lilitaw lamang ang scene optimizer na button sa Photo mode kung may mababang ilaw o nag-i-scan ka ng isang dokumento.

Lens at zoom
Ipinapakita ng mga icon ng lens ang antas ng pagpapalaki, upang malaman mo kung gaano ka naka-zoom in.

Video na hindi nakakaligtaan ang kahit anong sandali
Nagsisimula kaagad ang pagrekord pagkatapos mong i-tap ang button ng Rekord, sa halip na kapag binitawan mo ito, upang makunan mo ang mahahalagang sandali bago mawala ang mga ito. Sa Litrato na mode, maaari mong hipuin at i-hold ang button ng Shutter upang masimulan ang pagrekord ng mabilisang video, pagkatapos ay i-drag ang iyong daliri sa icon ng Lock upang maipagpatuloy ang pag-rekord nang hindi hinahawakan ang Shutter.

Pinahusay na pag-scan
I-scan ang mga dokumento, pagkatapos ay i-tap ang magnifying glass upang mag-zoom in at mai-edit kaagad ang mga ito. Maaari ka ring makagawa ng higit pa pagkatapos i-scan ang mga QR code, tulad ng pagtawag o pag-email sa isang tao sa halip na idagdag lamang ang kanilang impormasyon sa pagkontak sa iyong tablet.


Gallery

Mayroon ka mang libo-libong mga larawan at video o ilan lamang na pinahahalagahang mga sandali, ginagawang mas madali ng Gallery na hanapin ang kailangan mo at panatilihing maayos ang iyong koleksyon.

Pinahusay na mga kwento
Tingnan ang pagbibigay ng buhay sa iyong mga kwento sa pamamagitan ng mga highlight na video na awtomatikong nililikha. I-tap lamang ang preview sa tuktok ng bawat kwento upang mapanod. Maaari mo ring tuklasin kung saan nakunan ang mga larawan sa iyong mga kwento sa pagtanaw sa bagong Mapa.

Mas madaling mga album
Mas madaling pag-uri-uriin ang mga album—kahit na napakarami ang mga larawan nito. Sa katunayan, maaari mong isalansan ang mga album sa kung gaano karaming mga larawan at video ang nilalaman ng mga ito para laging nasa tuktok ng listahan ang iyong paborito at pinakamadalas gamiting mga album. Lumilitaw din ang pabalat na imahe sa tuktok ng screen kapag tiningnan mo ang isang album para mabigyan ka ng mas mahusay na pakiramdam sa kung ano ang nilalaman ng album.

Pag-remaster nang walang pag-aalala
Ibalik sa mga orihinal na bersyon ang mga na-remaster na larawan anumang oras, kahit na pagkatapos na mai-save ang mga ito, para hindi ka kailanman mag-aalala na mawala ang orihinal.

Higit na kontrol sa impormasyon
Baguhin o alisin ang petsa, oras, at lokasyon ng iyong mga larawan upang maitama ito o mapanatili itong pribado. Maaari mo ring piliin ang ilang mga larawan at i-edit nang minsanan ang impormasyon ng mga ito.


Editor ng litrato at video

Minsan ay kailangan ng iyong mga larawan at video ang ilang mga pag-aayos. Ang mga editor ng Larawan at Video ng One UI ay naroroon para magawang magmukhang pinakamaganda ang iyong mga larawan bago mo i-share ang mga ito.

Mga emoji at sticker
Gumamit ng emoji upang takpan ang mukha ng isang mahiyaing kaibigan o magdagdag ng mga sticker upang lumikha ng nakakatuwang mga larawan at video.

Mga collage ng video
Gumawa ng mga gumagalaw na collage na may kasamang mga larawan, video, o kombinasyon ng pareho. Piliin ang mga perpektong sandali at likhain ang iyong obra maestra.

Hindi mawawala kailanman ang orihinal
Maging mapangahas sa iyong pag-edit! Maaari mo na ngayong ibalik ang parehong mga larawan at video sa mga orihinal na bersyon ng mga ito pagkatapos na mai-save, o i-save ang mga ito bilang mga kopya upang mapanatili ang parehong orihinal at na-edit na mga bersyon.

Mag-paste mula sa isang larawan patungo sa isa pa
Mag-eksperimento sa paghahalo at pagtutugma ng mga mukha, alagang hayop, gusali, at marami pa. Maaari mong i-cut ang anumang bagay sa isang larawan at i-paste ito sa ibang larawan.


Pag-share

Tinutulungan ka ng One UI na manatiling konektado at mag-share ng iyong mga karanasan sa iba. I-tap lang ang Share na button sa anumang app.

Mas maraming pagpapasadya
Ariin ang pag-share. Maaari mong ipasadya ang listahan ng mga app na lilitaw kapag nagbahagi ka ng nilalaman para maitabi ang kalat at makapagtuon lamang sa mga app na regular mong ginagamit.

Mas madaling nabigasyon
Ang bagong layout at mas mahusay na nabigasyon ay nagpapadali sa pag-share. Mag-swipe pakaliwa o pakanan upang mag-scroll sa mga app at kontak kapag nag-share ka.


Calendar

Ginagawang mas madali pa ng One UI 4.1 na panatilihing organisado ang iyong abalang buhay.

Tingnan ang iyong iskedyul sa Home screen
Ipinapakita ng bagong widget ang iyong iskedyul para sa araw kasama ang buong calendar para sa buwan.

Mabilisang magdagdag ng mga event
Kailangang magdagdag ng isang bagay sa iyong calendar nang mabilisan? Ilagay lang ang pamagat at tapos na.

Mas marami pang opsyon sa paghahanap
Mas marami ka nang paraan kaysa kailanman sa paghanap sa iyong mga event sa calendar. Pumili mula sa bagong mga keyword sa paghahanap o i-filter ayon sa kulay o sticker.

Ibahagi sa iba
Minsan ay kailangan mong isama ang iba sa loop. Mas madali na ngayong i-share ang iyong mga calendar sa ibang mga user ng Galaxy.

Mas madaling pagpili ng petsa at oras
Ang pagtakda ng mga detalye ng kaganapan ay breeze nang may hiwalay na mga pagpipilian ng petsa at oras.

Bawiin ang mga natanggal na kaganapan
Ang mga kaganapan na tatanggalin mo ay mananatili sa Trash sa loob ng 30 araw para makuha mo ang mga ito kung kailangan mo.


Samsung Internet

Mas pinapadali na ngayon ng mabilis at ligtas na web browser ng One UI na mahanap ang mga webpage na hinahanap mo at pinoprotektahan ang iyong privacy.

Mga mungkahi sa paghahanap
Kunin ang higit pang mga mungkahi sa paghahanap kapag naglagay ka ng teksto sa address bar. Lilitaw ang mga resulta nang may bagong disenyo.

Maghanap mula sa Home screen
Tinutulungan ka ng bagong widget sa paghahanap na hanapin ang hinahanap mo, mula mismo sa Home screen.

Magsimula sa Secret mode
Upang maprotektahan ang iyong privacy, awtomatikong magsisimula ang Samsung Internet sa Secret mode kung gumamit ka ng Secret mode sa iyong huling sesyon ng pag-browse.


Pangangalaga sa Device

Tingnan ang pagganap, seguridad, at buhay ng baterya ng iyong tablet sa isang sulyap, mabilisang lutasin ang mga problema, at kunin ang malalimang mga diagnostic para sa mas kumplikadong mga isyu.

Baterya at seguridad sa isang sulyap
Ang mga isyu sa baterya at seguridad ay lilitaw mismo sa pangunahing screen upang mas mabilis mong malutas ang mga problema.

Unawain ang pangkalahatang katayuan ng iyong tablet
Ang pangkalahatang katayuan ng iyong tablet ay ipinapakita bilang emoji, upang maaari mong maunawaan kaagad.

Mga diagnostic na pagtingin
Maaari ka nang makapunta mismo sa mga diagnostic ng Samsung Members mula sa Pangangalaga sa Device. Kung tila may mali sa iyong tablet, subukan ang mga diagnostic na pagsusuri para malaman kung ano ang problema at makakuha ng mga mungkahi para sa paglutas nito.


Bixby Routines

Gawing mas marami ang magagawa ng iyong tablet para sa iyo. Awtomatikong i-on ang Wi-Fi kapag umuwi ka, o i-set ang iyong tablet sa tahimik kapag nasa trabaho ka. Binibigyan ka ng One UI 4.1 ng higit pang mga posibilidad.


Higit pang mga kundisyon
Mas maraming kondisyon ang magagamit para sa iyong mga routine. Magsimula ng routine kapag tumatawag o kapag may dumating na partikular na notification.

Mas marami pang kilos
Maaari mo na ngayong i-on ang Pinahusay na pagproseso gamit ang routine. Mas marami ding mga opsyon tulad ng pagkonekta at pagdiskonekta ng mga Bluetooth device.

Mas higit na kontrol
Muling ayusin ang mga aksyon sa pamamagitan ng pagpindot at pag-hold sa mga aksyon sa pahina ng edit. Naidagdag ang mga advanced na opsyon upang hayaan kang maghintay bago magsimula ang pagkilos, kumpirmahin ang mga pagkilos, at higit pa.

Higit pang mga kombinasyon
Inalis namin ang mga paghihigpit para sa ilang mga kombinasyon ng mga kundisyon at pagkilos upang mas marami ka pang magagawa sa iyong mga routine.

Mas maraming pagpapasadya
Lumikha ng mga custom na icon para sa iyong mga routine gamit ang Camera o imahe mula sa Gallery.


Accessibility

Ang One UI ay idinisenyo para sa lahat. Sa One UI 4.1, makakakuha ka ng dagdag pang mga opsyon upang matulungan kang magamit ang iyong tablet sa paraang pinakakomportable para sa iyo.

Palaging nandiyan kapag kailangan mo
I-access ang mga feature na accessibility nang mas mabilis sa isang nakalutang na button na palaging magagamit.

Mga galaw ng mouse
Kumilos nang mas mabilis sa paglipat sa pointer ng iyong mouse sa isa sa 4 na sulok ng screen.

Ayusin agad ang iyong screen
Ayusin ang contrast at sukat nang sabay gamit ang custom na mode ng Display (Mataas ang contrast o Malaking display).

Kaginhawahan ng mata
Mas maraming opsyon sa pagkakita ang makukuha para matugunan ang iyong mga pangangailangan. Maaari mong bawasan ang kalinawan o kalabuan.


Nako-customize na mga notification sa flash
Gawin na mag-flash ang screen kapag nakatanggap ka ng notification. Ipasadya mo ang mga kulay para sa bawat app upang madali mong matukoy kung saan nagmumula ang notification.

Mas madaling pagpapalaki
Ang window ng magnifier ay nai-merge sa bagong menu ng Pagpapalaki, na nagbibigay sa iyo ng mas maraming pagpipilian at higit na kontrol sa pagpapalaki ng nilalaman sa screen.


Mas maraming mga feature at pagpapabuti

Pinahusay na Dark mode
Upang mapanatili kang komportable sa madilim, ang Dark mode ay awtomatiko na ngayong dumidilim sa mga wallpaper at icon. Ang Illustrations sa Samsung apps ay mayroon nang mga bersyon ng Dark mode na may mas madilim na mga kulay para sa mas pare-parehong karanasan na mas madali sa iyong mga mata.

Impormasyon sa pag-charge sa isang sulyap
Kapag nagsimula ka nang mag-charge, ipapaalam sa iyo ng iba't ibang mga biswal na epekto ang bilis ng iyong pag-charge nang mas madaling maunawaan.

Mas madaling kontrol sa liwanag
Ang mas malaking brightness bar sa quick panel ay nagpapadali na baguhin ang brightness ng screen gamit ang isang swipe.

Menu ng kaligtasan at emergency
Hinahayaan ka ng bagong menu ng Kaligtasan at emergency sa Mga setting na pamahalaan ang iyong mga kontak sa emergency at impormasyong pangkaligtasan lahat sa iisang lugar.

Mga pagpapahusay sa mga setting ng paghahanap
Ang pinahusay na mga feature sa paghahanap ay makakatulong sa iyo sa paghanap ng mga setting na kailangan mo, kung kailan mo kailangan ang mga ito. Makakakuha ka ng mga mungkahi para sa mga kaugnay na feature depende sa kung ano ang hahanapin mo.

Panatilihin ang iyong mga mata sa kalsada
Sinusubaybayan ng bagong monitor sa Pag-drive sa Digital Wellbeing kapag ginamit mo ang iyong phone habang nagmamaneho. Makakakuha ka ng mga ulat sa kung gaano mo ginagamit ang iyong tablet at kung aling mga app ang ginagamit mo.

Laktawan ang alarm nang minsan lamang
Parang inaantok ang pakiramdam mo? Maaari mo na ngayong i-off ang alarm para sa isang pagkakataon lamang. Awtomatikong babalik na mag-on ito pagkatapos na malaktawan.

Araw o gabi sa isang sulyap
Mayroon ka bang kaibigan sa kabilang panig ng mundo? Mas madaling makita ang mabuting oras ng pagkontak sa kanila. Ipinapakita na ngayon ng widget ng dalawang orasan ang magkakaibang mga kulay ng background para sa bawat lungsod depende sa kung araw o gabi.

Lumipat mula sa mga teksto tungo sa mga tawag
Hindi ito napuputol ng pag-teksto? I-tap ang pangalan ng tao sa tuktok ng kumbersasyon para makita ang kanilang mga detalye o magsimula ng isang voice o video call.

Higit pang mga resulta ng paghahanap sa Mga Mensahe
Maaari mo na ngayong hanapin ang iyong mga mensahe para sa mga litrato, video, web link, at higit pa. Ang mga resulta ay na-filter lahat upang maaari kang tumalon sa mismong hinahanap mo.

Mas madaling paghahanap sa Aking Mga File
Makita ang file na hinahanap mo, kahit na may typo o hindi eksaktong tumutugma ang pangalan. Ang lugar ng Kamakailan na mga file ay pinalawak din upang matulungan kang mabilis na mahanap ang mga file na iyong ginamit o natanggap kamakailan.

Mas kumpletong karanasan sa desktop
Mas maraming mga app ang nababago ang laki sa Samsung DeX, kaya maaari kang mag-multitask at mas marami kang matatapos sa buong araw. Maaari mo ring baguhin ang direksyon ng pag-scroll ng touchpad sa mga setting ng DeX upang tumugma sa iyong personal na kagustuhan.

Napapalitan ang sukat ng larawan-sa-larawan
Kung nakakaabala ang nakalutang na video, i-pinch ang iyong mga daliri upang mas mapaliit ito. Nais mo bang mas marami ang makikita mo? I-spread ang iyong mga daliri upang mapalaki ito.

Quick access sa mga pagpipilian sa pop-up na window
Para sa mas madaling multitasking, maaari mong i-pin ang menu ng mga pagpipilian sa window sa tuktok ng window upang magawa itong mas madaling ma-access.


Kakailanganin ng ilang app na mai-update nang hiwalay matapos mag-upgrade sa One UI 4.1.

• Pinahusay ang seguridad ng iyong device.

• Pinahusay ang seguridad ng iyong device.

• Pinahusay na pakinabang ng sumusunod na mga aplikasyon o tampok: Multi window, Edge panel
• Idinagdag ang sumusunod na mga aplikasyon o tampok: Labs

• Pinahusay ang seguridad ng iyong device.

• Pinahusay na Quick Share
- Pahusayin ang pagbabahagi ng file sa pagitan ng mga Galaxy device gamit ang Quick Share.
• Pinahusay ang seguridad ng iyong device.

Upgrade sa One UI 3.1 (Android 11)
Ang One UI 3.1 ay idinisenyo para matulungan kang mapagtuunan kung ano ang mahalaga. Sa pamamagitan ng muling pagdisenyo namin sa hitsura, napaganda namin ang mga lugar na pinakamadalas mong binibisita, gaya ng Home screen at quick panel, para mabawasan ang mga abala, maitampok ang mahalagang impormasyon, at magawang mas consistent ang iyong karanasan. Makakatulong ang mga pagpapahusay sa performance na mas mabilis na tumakbo ang mga app habang mas kaunting baterya lang ang nagagamit. At sa One UI 3.1, ikaw ang bahala sa mga bagong kontrol sa privacy, isang beses na pagpapahintulot, at pinahusay na Digital Wellbeing.

Mag-scroll pababa para sa kumpletong listahan ng mga pagbabago.

Visual na disenyo
Binago namin ang hitsura at dating ng One UI 3.1 sa maraming paraan, malaki at maliit, mula sa mga bago at mas consistent na icon hanggang sa mas smart na pagkakaayos ng quick panel at mga notification. Mas swabe at mas natural na ngayon ang galaw, dahil sa mga pinagandang animation at haptic feedback para sa mga karaniwang interaksyon. At tumutugon ang interface sa iba’t ibang laki ng screen para maibigay ang pinakamagandang karanasan sa anumang device, telepono man ito, foldable, o tablet.

Pinahusay na performance
Na-optimize namin ang One UI 3.1 sa pamamagitan ng pinahusay na dynamic memory allocation, para tumakbo nang mas mabilis at gumana nang mas mahusay ang mga app. Nilimitahan din namin ang mga aktibidad sa background para makapagbigay ng mas magandang performance at mas tipid na paggamit ng baterya.

Mas maayos na pag-customize
• Nagdagdag ng mga bagong kategorya ng imahe sa Dynamic na Lock screen, at puwede kang pumili ng hanggang 5 kategorya nang sabay-sabay.
• Sa Lock screen, puwede kang magdagdag ng widget para tingnan ang tagal ng paggamit mo.
• Makakuha ng interactive na preview kapag nagtatakda ng wallpaper.
• Mas madali ang pag-adjust sa Lock screen.
• Magdagdag ng background ng tawag para makakita ng larawan o video kapag tatawag o tatanggap ka ng tawag.
• Sa Samsung Internet, puwede mong ibahin ang pagkakasunod-sunod ng mga tab at i-lock ang mga ito.
• Mas marami nang kontrol ang Bixby Routines para matulungan kang i-automate ang iyong buhay.
• Sa tulong ng mga bagong icon at widget sa Lock screen, mas madali mong mahahanap at makokontrol ang iyong mga routine.
• Gamitin ang Digital Wellbeing nang may magkahiwalay na personal na profile at profile sa trabaho.

Mga pinahusay na feature
Home screen at Lock screen
• Magdagdag ng mga widget sa pamamagitan ng pagpindot nang matagal sa app sa Home screen.
• I-off ang screen sa pamamagitan ng pag-tap nang dalawang beses sa isang walang lamang espasyo sa Home o Lock screen. (I-set up ito sa Mga Setting > Mga advanced na feature > Mga kilos at kumpas.)
• Sa Lock screen, i-tap ang bahagi ng orasan para makita ang mga widget gaya ng calendar, lagay ng panahon, at musika.

Mga tawag at chat
• Tingnan ang mga pag-uusap nang magkakahiwalay sa notification panel. Gumagana sa Mga Mensahe at sa mga paborito mong app sa pakikipag-chat.
• Madaling alisin ang mga duplicate na contact na naka-store sa iisang account sa Mga Contact. 30 araw na mula sa dating 15 araw ang tagal ng pag-store para sa mga natanggal na contact.
• Idinagdag ang kakayahang mag-edit ng maraming naka-link na contact sa iisang screen.
• Idinagdag ang Trash sa Mga Mensahe para ma-store nang 30 araw ang mga kamakailang natanggal na mensahe.

Mga larawan at video
• Mas mabilis na kumuha ng mga larawan gamit ang pinahusay na awto focus at awto exposure.
• Tingnan, i-edit, at ibahagi ang mga larawan at video mula sa Gallery sa mas madaling paraan.
• Mas mabilis na maghanap ng mga larawan at video gamit ang mga bagong feature at kategorya ng paghahanap sa Gallery.
• Ibalik sa mga orihinal na bersyon ang mga na-edit na larawan anumang oras, kahit na pagkatapos ma-save ang mga ito, para hindi kailanman mawalan ng kuha.

Mga Setting
• Mas pinasimple ang hitsura at dating ng Mga Setting. Makikita sa itaas ang iyong Samsung account, at mas madali nang maa-access ang mga setting ng Home screen.
• Mas madaling mahanap ang mga setting na kailangan mo gamit ang mga bagong feature ng Maghanap. Makakakuha ka ng mas magagandang resulta para sa mga kasingkahulugan at karaniwang maling spelling, at puwede kang mag-tap sa mga tag para makakita ng mga grupo ng magkakaugnay na setting.
• Ang mga button ng Mga quick setting ay binawasan para maibigay lang ang pinakakaraniwang ginagamit na feature. Puwede ka ring magdagdag ng mga button para gumawa ng sarili mong naka-customize na quick panel.

Samsung Keyboard
• 370 na ang bilang ng mga wika sa pag-input.
• Mas pinadali ang pag-paste ng mga nakopyang larawan at verification code mula sa mga text message.
• Nagdagdag ng mga suhestyong emoji at sticker kapag naglalagay ka ng text-based emoticon.
• Isinaayos ang mga setting ng Keyboard para mas madaling ma-access ang mga madalas na gamiting setting.

Productivity
Magpanatili ng magandang balanse ng trabaho at personal na buhay sa pamamagitan ng pagbawas sa mga paulit-ulit at kumplikadong gawain at pangangasiwa sa mga iyon sa mabisang paraan.
• May mga irerekomendang bagong routine batay sa iyong pang-araw-araw na pamumuhay at kagawian sa paggamit.
• Ang Bixby Routines ay nagbibigay ng setting para maibalik ang lahat sa dati bago tumakbo ang routine.
• Sa Internet, maitatago mo ang status bar at navigation bar para sa mas immersive na karanasan at mabilis na mata-translate ang mga webpage.
• Ipo-prompt kang i-block ang mga website na nagpapadala ng masyadong maraming pop-up o notification.
• Puwede kang mag-browse at pumili ng mga file sa cloud drive mula sa screen sa pagpili ng file sa Aking Mga File.
• Puwede ka nang magtanggal ng mga cache file sa Aking Mga File para madaling mabakante ang espasyo sa storage.
• Ang mga kaganapang may parehong oras ng pagsisimula ay magkakasamang ipinapakita sa mga view ng buwan at listahan sa Calendar.
• Gamitin ang layout ng icon ng app sa Samsung DeX ng iyong telepono o tablet para alam mo kung nasaan ang lahat.

Madaling pagkontrol sa media at device
Mas madaling makokontrol ang media at device gamit ang pinahusay na media panel sa mga notification. Makikita mo ang mga kamakailang ginamit na media app at mabilis na mababago ang playback device. Puwede mo ring tingnan ang mga setting ng Android Awto sa menu na Mga advanced na feature sa Mga Setting.

Tukuyin at pahusayin ang iyong mga digital na kagawian
Pinapadali ng mga pinahusay na feature ng Digital Wellbeing na malaman kung paano mo ginagamit ang iyong telepono o tablet at makakatulong ang mga ito sa iyong gumawa ng magagandang digital na kagawian. Tingnan sa isang sulyap ang iyong paggamit habang nagmamaneho o tingnan ang mga lingguhang pagbabago sa tagal ng paggamit mo ayon sa function sa pamamagitan ng mga pinahusay na lingguhang ulat.

Accessibility para sa lahat
Nagrerekomenda ang One UI 3.1 ng mga kapaki-pakinabang na feature sa accessibility para sa iyo batay sa paggamit mo. Mas pinadali ng pinahusay na shortcut ng Accessibility na simulan at gamitin ang mga feature ng accessibility. Puwede mong gamitin ang feature na Basahin nang malakas ang ipinapasok sa keyboard para makakuha ng boses na feedback ng tina-type mo kahit na naka-off ang TalkBack.

Mas maigting na proteksyon sa privacy
Puwede mo na ngayong payagan ang app na i-access ang iyong mikropono, camera, o lokasyon nang isang beses lang. Awtomatikong babawiin ang anumang pahintulot na matagal-tagal nang hindi nagagamit ng app. Hindi ka na puwedeng magbigay ng pahintulot sa mga app para palaging alamin ang iyong lokasyon sa regular na popup ng pahintulot. Para payagan ang mga app na i-access ang iyong lokasyon kapag hindi ginagamit, kailangan mong pumunta sa page ng pahintulot sa lokasyon para sa app sa Mga Setting.

Calendar
• Kunin ang petsa at address mula sa pamagat ng kaganapan at magrekomenda ng awtomatikong pagpaparehistro.
• Makatanggap ng mga notification mula sa mga SmartThings device na nagtakda rin ng mga notification ng iskedyul.
Camera
• Pinaganda ang performance ngCamera
Awtomatikong Paglipat ng Buds
• Sinusuportahan ang awtomatikong paglilipat ng Buds sa pagitan ng Galaxy phone at tablet.
Paalala
• Kunin ang petsa at address mula sa memo ng paalala at magrekomenda ng awtomatikong pagpaparehistro, at magpaalala ng mahalagang impormasyon ayon sa sitwasyon.
Magbahagi ng Sheet
• Posible na ngayong protektahan ang iyong privacy sa pamamagitan ng pagtanggal sa impormasyon ng lokasyon ng mga litratong kinunan dati bago ibahagi o i-post ang mga ito sa social media.
Social Platform
• Mag-sync ng mga valid na link na ginawa sa mga device na may magkaparehong nakarehistrong Samsung account.
• Pinasimple ang paggamit ng mga serbisyo ng social media. Posibleng magbahagi ng mga profile, litrato, note, iskedyul, at higit pa sa pamamagitan lang ng pag-log in sa iyong Samsung account.
Mga karagdagang pagpapahusay
• Sa Orasan, maririnig mong babasahin nang malakas ang oras at preset na pangalan ng alarm kapag nag-ring ang alarm.

Kakailanganing i-update ang ilang app nang hiwalay matapos ma-update ang One UI 3.1.

Hindi mo na magagamit ang Wi-Fi Direct para magpadala ng mga file sa iba pang device. Puwedeng Nearby Share na lang ang gamitin mo. Puwede ka pa ring tumanggap ng mga file gamit ang Wi-Fi Direct.

Hindi ka na puwedeng kumonekta sa Chromecast gamit ang Smart View. Puwedeng Google Home na lang ang gamitin mo.

• Pinahusay ang pangkalahatang tatag ng mga function.
• Pinahusay ang seguridad ng iyong device.

· Pinahusay ang seguridad ng iyong device.