SM-F731U1 | Samsung Firmwares. by model | TL

One UI 6.1 na Upgrade



Galaxy AI

Mahanap kaagad ang kahit na anong bagay sa iyong screen
Nagbibigay-daan sa iyo ang Bilugan para Maghanap sa Google na madaling malaman pa ang tungkol sa anumang bagay na ipinapakita sa iyong screen nang hindi lumilipat ng app. Pindutin lang nang matagal ang Home button o navigation handle, at pagkatapos ay bilugan ang anumang bagay sa screen upang magsimula ng paghahanap sa Google.

Isalin ang wika ng mga tawag sa telepono nang real time
Kailangang tumawag sa isang taong hindi nagsasalita ng iyong wika? Walang problema! Nagbibigay ang Live translate ng real-time na pagsasalin sa panahon ng mga tawag. Maririnig ng taong kausap mo sa tawag ang sinasabi mo sa wika niya, at maririnig mo ang ang mga sagot niya sa iyong wika. Lalabas din ang mga pagsasalin ng wika sa screen.

Magsalin ng wika sa mga personal na pag-uusap
Nagbibigay-daan sa iyo ang bagong feature na Interpreter na isalin ang wika ng isang pag-uusap sa anumang oras na kailangan mong makipag-usap sa isang taong nagsasalita ng ibang wika. Madali mong maa-access ang Interpreter mula sa quick panel. Parehong maririnig ng mga tao ang mga pagsasalin ng wika na binabasa nang malakas bukod pa sa mababasa nila ang mga ito sa screen.

Isalin ang wika ng teksto sa mga larawan, karatula, dokumento, at higit pa
Maisalin kaagad ang teksto saan mo man ito nakita. Itapat lang ang iyong camera sa teksto na gusto mong isalin ang wika, at i-tap ang T button para magpakita ng higit pang opsyon. Maaari mo ring isalin ang wika ng teksto na nakikita sa mga larawan sa iyong Gallery.

Ibuod at isalin ang wika ng mga webpage
Mabilis na makuha ang impormasyong kailangan mo sa pamamagitan ng pagbuod sa mga webpage gamit ang Browsing assist sa Samsung Internet. Maaari mong paikliin ang isang mahabang pagbabasa sa pinakamahahalagang bullet point lang. Maaari mo ring isalin ang wika ng mga webpage sa iyong wika.

Gawing mas matalino ang pagtatala, hindi mas mahirap
Nagbibigay-daan sa iyo ang Note assist na makagawa ng mas marami kaysa sa dati sa Samsung Notes. Maaari kang awtomatikong mag-format, magbuod, magwasto, magsalin ng wika, at bumuo ng mga cover para sa iyong mga tala.

Awtomatikong i-transcribe ang mga voice recording
Gamitin ang Transcript assist upang mag-convert ng mga recording ng mga meeting, lecture, voice memo, at higit pa sa teksto, at pagkatapos ay ibuod ang mga ito para sa mabilisang pag-review. Maaari mo ring isalin ang wika ng mga transcript at buod upang ma-review ang mga ito sa ibang mga wika.

Mas marami ang magawa sa Samsung Keyboard
Baguhin ang tono ng iyong pagsusulat para maging propesyonal ang dating nito, kaswal, o handang mai-post ito sa social media gamit ang Writing assist. Maaari ka ring makakuha ng mga mungkahi sa pagbabaybay at grammar bukod sa pagsasalin ng wika ng mensahe sa mga piling app sa chat at text messaging.

Bigyan ng bagong hitsura ang mga litrato mo
Nagbibigay-daan sa iyo ang generative na pag-edit ng higit pang paraan para ma-edit ang iyong mga larawan. Maaari mong ilipat, alisin, o i-resize ang mga tao at bagay sa iyong mga larawan, at pagkatapos ay bumuo ka ng bagong background upang mapunan ang anumang nawawalang bahagi.

Bumuo ng mga natatanging wallpaper
Gamitin ang AI sa pagbuo ng mga natatanging wallpaper para sa iyong Home screen at Lock screen. Pumili lang ng ilang keyword at hayaang AI na ang bahala sa iba.

Mga setting ng Advanced intelligence
Mayroon kang ganap na kontrol sa kung aling mga feature ng AI ang gusto mong gamitin at kung paano nito ipoproseso ang iyong data. Maaari mo ring i-block ang online na pagpoproseso ng iyong data para sa lahat ng feature sa isang pag-tap.



Gumawa ng mga epic na larawan

Pagandahin ang iyong mga larawan nang walang kahirap-hirap
Makakuha ng mga espesyal na rekomendasyon sa AI para sa pagpapaganda ng iyong mga larawan at video. Makakakita ka ng mga opsyon para sa pagdaragdag ng mga star trail, mahabang exposure, pagkukulay, at higit pa. May lalabas na mga suhestyon kapag nag-tap ka sa i button sa Gallery.

Kumopya at mag-paste mula sa isang larawan papunta sa isa pa
Magdagdag ng nawawalang elemento sa iyong larawan. I-clip lang ang isang bagay mula sa isang larawan sa Gallery, at pumunta sa larawan kung saan mo ito gustong i-paste at piliin ang I-paste mula sa clipboard sa menu ng Higit pang opsyon.

Madaling makagawa ng mga custom na sticker
Mas madali na kaysa sa dati ang paggawa ng mga custom na sticker. Pagkatapos mong i-clip ang isang larawan sa Gallery, mabilis mo itong magagawang sticker at mabilis kang makakapaglapat ng mga istilo gaya ng outline, cutout, vintage, at cartoon.

Mas tumpak na pag-clip ng larawan
Eksaktong makuha ang bahaging kailangan mong i-clip nang walang nasasama na anumang bahagi na hindi mo gusto. Kapag nag-clip ka ng larawan sa Gallery, may opsyon kang i-edit ang napiling bahagi bago mo ito i-save upang magawa mo nang tama ang iyong pagpili.

Pinahusay na paghahanap sa Gallery
Binago ang disenyo ng screen sa paghahanap upang mas madali itong magamit. Nakakategorya na ngayon ang mga resulta ayon sa uri, gaya ng mga tao, lugar, album, o kuwento.

Baguhin ang bilis ng pag-playback
Mas maraming video na ngayon ang sumusuporta sa pagbabago ng bilis ng pag-playback kapag nag-edit ka ng video sa Gallery. Maaari mong mas pabilisin o mas pabagalin ang pag-play ng iyong video sa isang partikular na seksyong pipiliin mo o para sa buong video.

Mag-edit ng mga video sa maraming device
Maaari mo nang ipagpatuloy ngayon ang iyong mga pag-edit sa iyong telepono, tablet, o PC. I-export ang iyong mga proyekto sa Studio sa isang file na mabubuksan sa iba pang Galaxy device.



I-customize ang iyong Galaxy

Mga bagong feature sa pag-edit ng wallpaper
Dekorasyunan ang iyong wallpaper sa kahit paanong paraang gusto mo. Kapag pumili ka ng larawang gagamitin bilang wallpaper mo, maaari ka na ngayong maglapat ng mga frame at effect. Kapag may kasamang tao o hayop ang iyong wallpaper, maaari kang maglapat ng mga depth effect upang umangat ang paksa mula sa background.

Higit pang widget para sa iyong Lock screen
May available na mga karagdagang widget para sa iyong Lock screen at Always On Display para mabilis mong matingnan ang kapaki-pakinabang na impormasyon nang hindi ina-unlock ang iyong telepono. Kasama sa mga bagong widget ang Lagay ng Panahon, Samsung Health, Baterya, Paalala, Kalendaryo, at Orasan.

I-customize ang mga alerto ng alarm
Gumamit ng larawan, video, o AR emoji para gumawa ng mga sarili mong custom na screen ng alerto para sa bawat alarm. Maaari mo ring baguhin ang layout ng kung saan lalabas ang impormasyon ng alarm sa screen.

Higit pang sticker para i-personalize ang iyong kalendaryo
Maaari ka na ngayong magdagdag ng hanggang 2 sticker para sa bawat petsa sa iyong kalendaryo. Ipinapakita na ngayon ang mga sticker para sa mga kaganapan sa tabi ng pangalan ng kaganapan sa view ng Buwan.

Mga binagong setting ng Kalendaryo
Binago ang ayos ng mga setting ng Kalendaryo upang mas madaling magamit. Maaari ka ring magtakda ng mga kulay ng background at larawan para sa mga full-screen na alerto sa kalendaryo.

I-customize ang mga alertong paalala
Gawin ang naaangkop na background para sa bawat isa sa iyong mga paalala. Maaari ka na ngayong magtakda ng mga kulay at larawan sa background para sa mga full-screen na alertong paalala.

Mas marami ang magawa sa mga kategorya ng paalala
Maaari ka na ngayong pumili ng icon ng kinatawan para sa bawat kategorya ng paalala. Maaari mo ring i-pin ang mga kategoryang madalas mong ginagamit sa itaas ng listahan ng kategorya.

I-on o i-off ang mga mode mula sa Home screen
I-on at i-off ang mga mode nang mas mabilis kaysa sa dati. Nagbibigay-daan sa iyo ang bagong widget ng Mode na direktang magdagdag ng mga mode sa iyong Home screen.

Baguhin ang pagkakaayos ng iyong mga mode
Maaari mo na ngayong baguhin ang pagkakasunud-sunod ng pagkalista ng mga mode sa tab na Mga Mode sa Mga Mode at Routine.

Mga bagong kundisyon ng routine
Maaari ka na ngayong magsimula ng routine kapag nagsimulang tumunog ang isang alarm na gusto mo o kapag kumonekta o nagdiskonekta ang Smart View.



Kumonekta at magbahagi

Magbahagi sa higit pang device
Na-merge ang Quick Share at Nearby Share ng Google. Bukod sa mga Galaxy device, maaari ka na ngayong magbahagi sa iba pang Android device kahit na walang koneksyon sa internet.

Hanapin ang iyong mga device
Nagbibigay-daan sa iyo ang bagong Samsung Find app na makita kung nasaan ang lahat ng iyong Galaxy device sa mapa sa anumang oras. Kung nawalan ka ng device, may mga magagamit na karagdagang feature para matulungan kang mahanap ang device at maprotektahan ang iyong data.

Ibahagi ang iyong lokasyon sa iba
Sa Samsung Find, maibabahagi mo ang iyong lokasyon sa pamilya, mga kaibigan, o sa kahit na sinong pinagkakatiwalaan mo. Ibahagi sa limitadong oras o sa lahat ng oras. Ikaw ang palaging may kontrol sa kung sino ang makakakita ng iyong lokasyon.

Mga account ng bata
Maaari na ngayong gumawa ang mga magulang ng mga Samsung account para sa kanilang mga anak. Nagbibigay-daan ang mga account ng bata na makagamit ang mga batang user ng mga Galaxy app at serbisyo sa isang ligtas na kapaligiran na mayroong content na naaangkop sa edad nila.

Mga kontrol ng magulang
Makokontrol ng mga magulang kung aling content at mga feature ang papayagang ma-access ng kanilang mga anak. Kabilang dito ang pagkontrol ng mga pagbili at pag-download sa Galaxy Store, pag-block sa mga mapaminsalang website sa Samsung Internet, at higit pa.

Pagbabahagi sa pamilya
May opsyon ang mga miyembro ng pamilya na ibahagi ang kanilang lokasyon sa isa't isa sa Samsung Find app. Maaari ring magtakda ang mga magulang ng nakabahaging paraan ng pagbayad ng pamilya para sa Galaxy Store at maaari nilang payagan ang iba pang miyembro ng pamilya na gamitin ito.

I-broadcast ang tunog gamit ang Auracast
I-broadcast ang tunog mula sa iyong telepono para marinig ng iba. Maririnig ng sinumang malapit na may Bluetooth LE Audio device ang iyong broadcast.

I-sync ang mga grupo ng tab sa Internet sa iba pang device
Madaling makapagpatuloy kung saan ka huminto sa iyong huling session sa pag-browse kahit na anong device ang ginagamit mo. Lalabas ang mga grupo ng tab na ginawa mo sa isang device sa Samsung Internet sa iba pang Galaxy device na naka-sign in sa iyong Samsung account.



Protektahan ang iyong data

Pinahusay na proteksyon ng data sa Samsung Cloud
Makatitiyak ka na walang makaka-access sa iyong data maliban sa iyo, kahit na mayroong paglabag sa data. Maaari mong i-on ang end-to-end na pag-encrypt para sa data na naka-sync sa Samsung Cloud.

Mga mabilis at secure na pag-sign in gamit ang mga passkey
Nagbibigay ang mga passkey ng higit pang seguridad para sa mga pag-sign in sa web nang hindi kinakailangang tandaan ang mga kumplikadong password. Gumamit ng mga passkey para mag-sign in sa mga sinusuportahang website na may pag-authenticate gamit ang biometric sa Samsung Internet.



Pamahalaan ang iyong kalusugan

Pinahusay na karanasan sa ehersisyo
Lampasan ang mga nakaraan mong resulta sa pagtakbo sa Samsung Health upang subukang taasan ang iyong nakaraang oras. Maaari ka ring mag-crop ng mga ehersisyo pagkatapos mong maalis ang anumang hindi kinakailangang oras sa simula o sa dulo.

Higit pang opsyon para sa mga target sa pang-araw-araw na aktibidad
Mayroon ka na ngayong higit pang opsyon para sa pagtatakda ng iyong mga target sa pang-araw-araw na aktibidad sa Samsung Health. Kung hindi naaakma para sa iyo ang isang layunin sa mga hakbang, maaari kang lumipat na lang sa mga inakyat na palapag o aktibong oras.

Pagsubaybay sa gamot
Maaari kang makatanggap ng mga paalala sa kung kailan dapat inumin ang iyong gamot at maabisuhan tungkol sa anumang potensyal na nakakapinsalang interaksyon sa gamot. Idagdag ang iyong mga gamot sa Samsung Health para magsimula.

Pinahusay na pagsubaybay sa cycle
Kapag nagtala ka ng iyong mga pisikal na sintomas at mood, lalabas sa itaas ng screen ang mga opsyon na madalas mong ginamit sa nakaraan. Maaari ka na ring magtakda ngayon ng mga custom na mood kung hindi tumutugma sa iyong nararamdaman ang mga default na opsyon.



Mas marami pang pagpapahusay

Mas madaling ma-access na Mga video call effect at Mic mode
Lalabas na ngayon ang Mga video call effect at Mic mode sa quick panel sa panahon ng mga voice at video call para makontrol mo kung paano ka makikita at maririnig ng iba habang sa mga tawag. Maaari kang magtakda ng kulay ng background o larawan, magtuon sa iyong boses sa pamamagitan ng pag-block ng mga tunog sa background, at higit pa.

Higit pang impormasyon sa widget ng Lagay ng panahon
Ipapaalam sa iyo ng widget ng lagay ng panahon kapag may forecast ng mga matinding thunderstorm, snowfall, o iba pang pag-ulan sa iyong lokal na lugar.

Pag-input ng boses nang hindi umaalis sa keyboard
Nakikita na ngayon ang keyboard habang ginagamit ang pag-input ng boses kaya madali kang makakabalik sa pag-type sa tuwing kailangan mo. I-tap ang mic button sa ibaba ng screen para maglagay ng text gamit ang iyong boses sa anumang oras habang ginagamit ang keyboard.

Buksan ang lahat ng naka-minimize na app nang sabay-sabay
Nagbibigay-daan sa iyo ang bagong button na buksan muli ang lahat ng naka-minimize na app nang sabay-sabay kapag may mahigit isang pop-up window ka na naka-minimize.

Mga suhestyon sa paghahanap sa Google sa Finder
Kapag naghanap ka gamit ang Finder, makakakuha ka rin ng mga iminumungkahing paghahanap sa web mula sa Google.

Higit pang paraan para protektahan ang iyong baterya
Pumili sa 3 iba't ibang opsyon sa pagprotekta upang mapahaba ang buhay ng iyong baterya. Pinapanatili ng pangunahing proteksyon na nasa pagitan ng 95% at 100% ang charge mo. Pino-pause ng Umaakmang proteksiyon ang pag-charge habang natutulog ka at tinatapos nito ang pag-charge bago ka magising. Maaari mo ring piliing limitahan ang maximum na pag-charge sa 80% para sa maximum na proteksyon.

Madaling makapagdagdag ng mga kupon at boarding pass sa Samsung Wallet
Kapag kumuha ka ng screenshot na may kupon o boarding pass, may lalabas na button na magbibigay-daan sa iyong idagdag ito sa Samsung Wallet.

Makakuha ng suporta sa text
Makatanggap ng mabilis na sagot kapag kailangan mo ng tulong sa isa sa iyong mga Galaxy device. Maaari ka na ngayong magpadala ng mga text message sa suporta ng Samsung sa Samsung Members.

Magpa-appointment para sa mga pag-aayos
Kung kailangan mo ng serbisyo sa pag-aayos para sa isa sa iyong mga Galaxy device, maaari ka na ngayong magpa-appointment para sa naaangkop na petsa at oras sa Samsung Members bago mo dalhin ang iyong device sa isang service center.

• Pinahusay ang seguridad ng iyong device.

• Pinahusay ang seguridad ng iyong device.

• Pinahusay ang seguridad ng iyong device.

• Pinahusay ang seguridad ng iyong device.

Upgrade sa One UI 6.0



Quick panel

Bagong layout ng button
May bagong layout ang quick panel na mas magpapadali sa pag-access sa mga feature na pinakaginagamit mo. May kanya-kanya nang button ang Wi-Fi at Bluetooth sa itaas ng screen, habang inilipat sa ibaba ang mga visual na feature, tulad ng Dark mode at Eye comfort shield. Makikita ang mga button ng ibang mga quick setting sa isang nako-customize na lugar sa gitna.

Ma-access kaagad ang buong quick panel
Bilang default, may lalabas na compact na quick panel na may mga notification kapag nag-swipe ka pababa mula sa itaas ng screen. Kapag nag-swipe ulit pababa, matatago ang mga notification at makikita ang na-expand na quick panel. Kung io-on mo ang instant access sa Mga quick setting, matitingnan mo ang na-expand na quick panel sa pamamagitan ng pag-swipe nang isang beses mula sa kanang bahagi ng itaas ng screen. Kapag nag-swipe pababa mula sa kaliwang bahagi, makikita ang mga notification.

Mabilis na ma-access ang kontrol sa liwanag
Lalabas na bilang default ang control bar ng liwanag sa compact na mabilisang panel kapag nag-swipe ka pababa nang isang beses mula sa itaas ng screen para sa mas mabibilis at mas madadaling pag-adjust ng liwanag.

Pinahusay na display ng album art
Habang nagpe-play ng musika o mga video, masasakop ng album art ang buong media controller sa notification panel kung may album art ang app na nagpe-play ng musika o video.

Pinagandang layout para sa mga notification
Lalabas na bilang hiwalay na card ang bawat notification, kaya mas madaling tukuyin ang mga indibidwal na notification.

Mas malilinaw na icon ng notification
Puwede mong gamitin ang mga mismong full-color na icon na ginagamit para sa bawat app sa Home screen at Apps screen. Mao-on mo ito sa Settings.

Isalansan ang mga notification ayon sa oras
Mababago mo na ang iyong mga setting ng notification para magsalansan ayon sa oras sa halip na ayon sa prayoridad para palaging nasa itaas ang iyong mga pinakabagong notification.



I-lock ang screen

Baguhin ang posisyon ng iyong clock
Mas malaya ka na ngayong ilipat ang iyong clock sa posisyong gusto mo sa Lock screen.



Home screen

Mga pinasimpleng icon label
Nasa iisang linya na lang ngayon ang mga icon label para mas maaliwalas at mas simple itong tingnan. Inalis na ang "Galaxy" at "Samsung" sa ilang pangalan ng app para gawing mas maikli at mas madaling i-scan ang mga ito.



Multitasking

Panatilihing nakabukas ang mga pop-up window
Sa halip na i-minimize ang mga pop-up window kapag pumupunta ka sa screen na Mga Kamakailan, mananatili nang nakabukas ang mga pop-up pagkaalis mo sa screen na Mga Kamakailan para maipagpatuloy mo ang ginagawa mo.



Samsung Keyboard

Bagong disenyo ng emoji
In-update at may bago nang disenyo ang mga emoji na nakikita sa iyong mga mensahe, post sa social media, at sa iba pang bahagi ng phone mo.



Pagbabahagi ng content

Mga preview ng larawan
Kapag nagbabahagi ka ng mga larawan mula sa anumang app, lalabas ang mga preview na larawan sa itaas ng panel na Ibahagi para bigyan ka ng isa pang pagkakataong i-review ang mga larawan bago ibahagi ang mga ito.



Lagay ng panahon

Bagong widget para sa Lagay ng Panahon
Magbibigay ang widget para sa mga insight sa Lagay ng Panahon ng higit pang impormasyon tungkol sa lagay ng panahon sa inyong lugar. Makikita sa forecast kung kailan ang magkakaroon ng malalakas na ulan na may pagkulog at pagkidlat, pag-ulan ng niyebe, ulan, at iba pang kaganapan.

Marami pang impormasyon sa app para sa Lagay ng Panahon
Makikita na ngayon sa sa app para sa Lagay ng Panahon ang impormasyon tungkol sa pag-ulan ng niyebe, mga phase at oras ng paglitaw at paglubog ng buwan, atmospheric pressure, visibility distance, dew point, at direksyon ng hangin.

Interactive na view ng mapa
Mag-swipe para magpalipat-lipat ng puwesto sa mapa at mag-tap ng lokasyon para tingnan ang lagay ng panahon sa partikular na lugar. Makakatulong sa iyo ang mapa na maghanap ng impormasyon sa lagay ng panahon kahit na hindi mo alam ang pangalan ng lungsod.

Mga pinagandang ilustrasyon
Pinaganda ang mga ilustrasyon sa widget at app para sa Lagay ng Panahon para magbigay ng mas mahusay na impormasyon tungkol sa kasalukuyang lagay ng panahon. Magbabago rin ang mga kulay ng background depende sa oras ng araw.



Camera

Simple at intuitive na disenyo
Pinasimple na ang kabuuang layout ng Camera app. Binago ang disenyo ng mga button ng mga quick setting sa preview screen para mas madaling maunawaan ang mga ito.

Mga custom na widget ng camera
Puwede kang magdagdag ng mga custom na widget ng camera sa iyong Home screen. Puwede mong itakda ang bawat widget na magsimula sa isang partikular na shooting mode at mag-save ng mga larawan sa isang album na pipiliin mo.

Mas marami pang opsiyon sa pag-align para sa mga watermark
Mapipili mo na kung lalabas ang iyong watermark sa itaas o ibaba ng mga litrato mo.

Mag-scan ng mga dokumento nang walang kahirap-hirap
Hiniwalay ang feature na Mag-scan ng dokumento sa Optimizer ng scene para makapag-scan ka ng mga dokumento kahit na naka-off ang Optimizer ng scene. Magbibigay-daan sa iyo ang bagong Awtomatikong pag-scan na awtomatikong mag-scan ng mga dokumento sa tuwing kumukuha ka ng larawan ng isang dokumento. Kapag na-scan na ang isang dokumento, dadalhin ka sa screen ng pag-edit kung saan puwede mong i-rotate ang iyong dokumento para i-align ito sa paraang gusto mo.

Quick access sa mga setting ng resolution
May available nang button ng resolution sa mga quick setting sa itaas ng screen sa Photo mode at Pro mode para mabilis mong mababago ang resolution ng mga litratong kinukuha mo.

Mas madadaling opsiyon sa laki ng video
May lalabas na ngayong pop-up kapag na-tap mo ang button ng laki ng video, kaya mas madali nang makikita ang lahat ng opsiyon at mapipili ang mga tamang opsiyon.

Panatilihing pantay ang iyong mga larawan
Kapag naka-on ang mga grid line sa mga setting ng Camera, may lalabas na ngayong level line sa gitna ng screen habang ginagamit ang camera sa likod sa lahat ng mode maliban sa Panorama. Gagalaw ang linya para ipakita kung pantay sa lupa ang iyong larawan.

Pag-optimize sa kalidad
Puwede kang pumili sa 3 level ng pag-optimize sa kalidad para sa mga larawang kukunin mo. Piliin ang Maximum para makuha ang mga larawan na may pinakamatataas na kalidad. Piliin ang Minimum para mabilis na kumuha ng mga larawan. Puwede mo ring piliin ang Medium para makuha ang pinakamainam na balanse ng bilis at kalidad.

I-off ang pag-swipe pataas/pababa para lumipat ng camera
Opsiyonal na ngayon ang pag-swipe pataas o pababa para magpalipat-lipat sa camera sa harap at camera sa likod. Kung nag-aalala ka sa mga hindi sinasadyang pag-swipe, puwede mo itong i-off sa Settings.

I-apply ang mga effect nang mas madali
Gumagamit na ngayon ang mga filter at face effect ng dial sa halip na slider, kaya mas madali nang gumawa ng mga tumpak na adjustment gamit lang ang isang kamay.



Gallery

Mga mabilisang pag-edit sa view ng detalye
Habang tumitingin ng larawan o video, mag-swipe pataas mula sa ibaba ng screen para pumunta sa view ng detalye. Nagbibigay na ngayon ang screen na ito ng quick access sa mga effect at feature sa pag-edit na puwede mong i-apply kaagad.

Mag-drag at mag-drop gamit ang 2 kamay
Pindutin nang matagal ang mga larawan at video gamit ang isang kamay, pagkatapos ay gamitin ang isa mo pang kamay para mag-navigate sa album kung saan mo gustong i-drop ang mga ito.

Mag-save ng mga na-clip na larawan bilang mga sticker
Kapag may na-clip ka mula sa isang larawan, madali mo itong mase-save bilang sticker na magagamit mo sa ibang pagkakataon kapag nag-edit ka ng mga larawan o video.

Pinahusay na view ng kuwento
Habang tumitingin ng kuwento, may lalabas na thumbnail view kapag nag-swipe ka pataas mula sa ibaba ng screen. Sa thumbnail view, magagawa mong magdagdag o mag-alis ng mga larawan at video mula sa iyong kuwento.



Editor ng Larawan

Pinagandang layout
Mas papadaliin ng bagong menu na Mga Tool ang paghahanap sa mga feature sa pag-edit na kailangan mo. Pinagsama ang mga opsiyong Ituwid at Perspective sa menu na Transform.

Mag-adjust ng mga dekorasyon pagkatapos mag-save
Makakagawa ka na ngayon ng mga pagbabago sa mga drawing, sticker, at text na idinagdag mo sa isang larawan kahit pagkatapos itong i-save.

Mag-undo at mag-redo
Huwag mag-alala kung magkakamali. Madali ka nang makakapag-undo o makakapag-redo ng mga pagbabago, filter, at tone.

Gumuhit sa mga custom na sticker
Kapag lumilikha ng mga custom na sticker, magagamit mo na ang mga tool sa pagguhit para gawing mas personal at natatangi ang iyong mga sticker.

Mga bagong background at istilo ng text
Kapag nagdaragdag ng text sa isang larawan, puwede kang pumili sa ilang bagong background at istilo para matulungan kang makuha ang perpektong hitsura.



Studio (Video Editor)

Mas mahusay na pag-edit ng video
Ang Studio ay isang bagong project-based na video editor, na nagbibigay-daan sa mas kumplikado at mahusay na pag-edit. Maa-access mo ang Studio mula sa Drawer menu sa Gallery o puwede kang magdagdag ng icon sa iyong Home screen para mas mabilis itong ma-access.

Layout ng timeline
Magbibigay-daan sa iyo ang Studio na matingnan ang iyong buong proyekto bilang isang timeline na naglalaman ng maraming video clip. Magbibigay-daan sa iyo ang istruktura na may maraming layer na makapagdagdag ng mga clip, sticker, subtitle, at iba pang bagay at i-adjust ang posisyon at haba ng mga ito nang walang kahirap-hirap.

Mag-save at mag-edit ng mga proyekto
Makakapag-save ka rin ng mga hindi pa tapos na proyektong pelikula para maipagpatuloy mo ang pag-edit sa mga ito sa ibang pagkakataon.



Video Player

Pinagandang layout
Mas madali na kaysa dati ang mga kontrol sa video player. Pinagsama-sama ang mga button na may magkakatulad na function, at inilipat ang button na I-play sa gitna ng screen.

Mga pinahusay na kontrol sa bilis ng pag-playback
Pumili sa ilang bilis ng pag-playback ng video na mula 0.25x hanggang 2.0x. Mas madali nang i-access ang mga kontrol sa bilis gamit ang mga nakalaang button sa halip na slider.



Samsung Health

Bagong hitsura para sa Home screen
Ganap na binago ang Home screen ng Samsung Health. Mas marami pang impormasyon ang ipinapakita, habang mas pinapadali ng mga bold na font at kulay na makita ang impormasyong pinakakailangan mo. Ipapakita ang iyong pinakabagong resulta ng ehersisyo sa itaas ng screen, at magbibigay ng mas marami pang feedback tungkol sa iyong score ng tulog pati na sa iyong mga pang-araw-araw na goal para sa mga hakbang, aktibidad, tubig, at pagkain.

Mga custom na laki ng baso ng tubig
Mako-customize mo na ang laki ng mga baso sa Water tracker ng Samsung Health para tumugma sa laki ng baso na karaniwan mong iniinuman.



Kalendaryo

Ang iyong iskedyul sa isang sulyap
Sa bagong view ng iskedyul, makikita nang sunod-sunod ang iyong mga paparating na event, gawain, at paalala.

Tingnan ang iyong mga paalala sa Calendar
Magagawa mo nang tumingin at magdagdag ng mga paalala sa Calendar app nang hindi binubuksan ang Reminder app.

Maglipat ng mga kaganapan gamit ang 2 kamay
Sa view ng Araw o Linggo, pindutin nang matagal ang kaganapan na gusto mong ilipat gamit ang isang kamay, pagkatapos ay gamitin ang isa mo pang kamay para mag-navigate sa araw kung saan mo ito gustong ilipat.



Paalala

Pinagandang view ng listahan ng paalala
Binago ang disenyo ng pangunahing view ng listahan. Mapapamahalaan mo ang mga kategorya sa itaas ng screen. Sa ibaba ng mga kategorya, ipapakita ang iyong mga paalala na nakaayos ayon sa petsa. Pinaganda rin ang layout para sa mga paalalang naglalaman ng mga larawan at link sa web.

Mga bagong kategorya ng paalala
Ang kategoryang Lugar ay naglalaman ng mga paalalang mag-aalerto sa iyo kapag nasa isang partikular na lugar ka, at ang kategoryang Walang alerto ay naglalaman ng mga paalalang hindi nagbibigay ng anumang alerto.

Mas marami pang opsiyon para sa paglikha ng mga paalala
Kapag nagbabahagi ng content sa Reminder app, magkakaroon ka ng mga kumpletong opsiyon sa pag-edit bago likhain ang iyong paalala. Puwede ka ring kumuha ng mga larawan gamit ang camera kapag lumilikha ng paalala.

Lumikha ng mga paalala para sa buong araw
Makakalikha ka na ng mga paalala para sa isang buong araw at mako-customize mo na ang oras kung kailan mo gustong maalertuhan tungkol sa mga ito.



Samsung Internet

Mag-play ng mga video sa background
Patuloy na mag-play ng tunog ng video kahit na umalis ka sa kasalukuyang tab o umalis ka sa Internet app.

Maglipat ng mga bookmark at tab gamit ang 2 kamay
Pindutin nang matagal ang bookmark o tab na gusto mong ilipat gamit ang isang kamay, pagkatapos ay gamitin ang isa mo pang kamay para mag-navigate sa folder ng bookmark o grupo ng tab kung saan mo ito gustong ilipat.



Smart select

Palitan ang laki at i-extract ang text mula sa naka-pin na content
Kapag nag-pin ka ng larawan sa screen, magagawa mo nang palitan ang laki nito o i-extract ang text mula rito.

Pinalaking view
Kapag pumipili ng isang bahagi ng screen, may lalabas na pinalaking view para masimulan at matapos mo ang iyong pagpili sa perpektong lugar.



Bixby text call

Lumipat sa Bixby habang nasa tawag
Puwede kang lumipat sa Bixby text call anumang oras, kahit na nagaganap na ang tawag.



Mga Mode at Routine

Baguhin ang hitsura ng iyong Lock screen o Cover screen
Mag-set up ng iba’t ibang Lock screen o Cover screen na may kanya-kanyang wallpaper at istilo ng orasan kapag ikaw ay nagmamaneho, nagtatrabaho, nag-eehersisyo, at marami pa. Sumubok ng madilim na wallpaper para sa Sleep mode o nakakakalmang wallpaper para sa Relax mode. Kapag in-edit mo ang Lock screen o Cover screen para sa isang mode, makikita mo ang wallpaper na iyon sa tuwing naka-on ang mode na iyon.

Mga bagong kundisyon
Makakapagsimula ka na ng routine kapag nagpe-play ng media ang isang app.

Mga bagong pagkilos
Mas marami nang magagawa ngayon ang iyong mga routine, tulad ng pagbabago ng mga setting ng iyong Samsung Keyboard.



Smart suggestions

Bagong hitsura at dating
Binago ang disenyo ng Smart suggestions widget at may bago na itong layout na mas akma sa iba pang icon sa iyong Home screen.

Mas marami pang pag-customize
Magagawa mo nang i-adjust ang transparency at pumili sa puti o itim na background. Makakapagtakda ka rin ng mga app na ibubukod sa mga suhestyon.



Finder

Mga mabilisang pagkilos para sa mga app
Kapag lumabas ang isang app sa iyong mga resulta ng paghahanap, puwede mong pindutin nang matagal ang app para magkaroon ng quick access sa mga pagkilos na puwede mong gawin gamit ang app. Halimbawa, kung hahanapin mo ang Calendar app, lalabas ang mga button para sa pagdaragdag ng kaganapan o paghahanap sa iyong kalendaryo. Kusa ring lalabas sa mga resulta ng paghahanap ang mga pagkilos sa app kung hahanapin mo ang pangalan ng pagkilos sa halip na pangalan ng app.



Aking mga file

Magbakante ng espasyo sa storage
Lalabas ang mga card ng rekomendasyon para tulungan kang magbakante ng espasyo sa storage. Irerekomenda ng Aking Mga File na tanggalin ang mga hindi kailangang file, magbibigay ito sa iyo ng mga tip para sa pag-set up ng cloud storage, at ipapaalam din nito sa iyo kung aling mga app sa phone mo ang gumagamit ng pinakamalaking espasyo sa storage.

Naka-integrate na Trash sa Gallery at Voice Recorder
Pinag-isa na ang mga feature na Trash ng Aking Mga File, Gallery, at Voice Recorder. Kapag binuksan mo ang Trash sa Aking Mga File, sama-sama mong makikita ang mga file, larawan, video, at recording ng boses na tinanggal mo, kasama ang mga opsiyon para sa pag-restore o permanenteng pagtatanggal.



Samsung Pass

Mga mas ligtas na pag-sign in gamit ang mga passkey
Gumamit ng mga passkey para mag-sign in sa mga suportadong app at website. Hindi tulad ng mga password, naka-store lang ang iyong passkey sa phone mo at hindi ito mali-leak sa pamamagitan ng breach sa seguridad ng isang website. Poprotektahan ka rin ng mga passkey mula sa mga phishing attack dahil gumagana lang ang mga ito sa website o app kung saan nakarehistro ang mga ito.



Settings

Mas mahusay na Airplane mode
Kung io-on mo ang Wi-Fi o Bluetooth habang naka-on ang Airplane mode, matatandaan ito ng phone mo. Sa susunod na gamitin mo ang Airplane mode, mananatiling naka-on ang Wi-Fi o Bluetooth sa halip na mao-off.

Mas madaling access sa mga setting ng baterya
May sarili nang menu ng mga setting sa itaas na level ang mga setting ng baterya para madali mong matitingnan ang iyong paggamit ng baterya at mapapamahalaan ang mga setting ng baterya.

I-block ang mga banta sa seguridad
Makakuha ng karagdagang proteksyon para sa iyong mga app at data. Pipigilan ng Auto Blocker na ma-install ang mga hindi kilalang app, susuriin nito kung may malware, at iba-block nito ang mga mapaminsalang command para hindi maipadala ang mga ito sa iyong phone gamit ang USB cable



Accessibility

Mas madaling mahanap ang mga pagpapahusay para sa paningin
Pinag-isa na sa menu na Mga pagpapahusay para sa paningin ang mga menu na Spoken assistance at Mga pagpapahusay para sa visibility para sa mas mabilis at mas madali itong ma-access.

Mga bagong opsiyon sa pag-magnify
I-customize kung paano lalabas ang iyong window ng pag-magnify. Puwede mong piliin ang full screen, partial screen, o payagan ang pagpapalipat-lipat sa dalawa.

I-customize ang kapal ng cursor
Mapapakapal mo na ang cursor na lumalabas habang nag-e-edit ng text para mas madali itong makita.

Matuto pa tungkol sa accessibility
Nagdagdag ng link sa web page ng Samsung Accessibility sa Mga setting sa accessibility para matuto ka pa tungkol sa mga feature ng accessibility at sa aming mga pagsisikap na gawing accessible sa lahat ang aming mga produkto.



Digital Wellbeing

Pinagandang layout
Binago ang disenyo ng pangunahing screen ng Digital Wellbeing, kaya mas madaling makita ang impormasyong kailangan mo.

Mas marami pang content sa iyong lingguhang ulat
Ipapaalam na sa iyo ng lingguhan mong ulat sa paggamit ang tungkol sa mga hindi pangkaraniwang pattern ng paggamit, mga oras na pinakamadalas kang gumagamit, at kung paano mo binabalanse ang iyong oras na nasa screen.

• Pinahusay ang seguridad ng iyong device.

• Pinahusay ang seguridad ng iyong device.

• Pinahusay ang seguridad ng iyong device.

• Pinahusay ang seguridad ng iyong device.

• Pinahusay ang seguridad ng iyong device.

· Mga pagpapahusay sa stability ng device, mga bug fix.

· Mga bago at / o pinahusay na mga feature.

· mga dagdag na pagpapahusay sa paggana.